Kolesowarske puće

Žabjacy kolesowarski pućik je kołopuć a z dołhosću 260 km. Spočatnje wjedźe was pućik přez wulke lěsy a wokoło mnohich hatow, kotryž raz krajiny w sewjeru Hornjeje Łužicy twori. Něhdźe pjećina płoniny škita so jako biosferowy rezerwat a je wosebity žiwjenski rum žadnych družin zwěrjatow a rostlinow.

Horjołužiske hola a haty su tež domizna Serbow.

Wulět na Žabjacym kolesowarskim pućiku skića wam hišće wjac: romantiskaj krajinowaj parkaj w Kromlowje a Mužakowje, staraj zamkaj we Wojerjecach a Njesłačidle, molerske wjeski a městačka. Jězory wabja na horcych dnjach k přestawce a ke kupanju. Derje wuhotowane stanowanišća zmóžnja přenocowanja w přirodźe. Mjez Kromlowom a Mužakowom přeprošuje was "Mužakowska lěsna železnica" k wotpočowacej jězbje.

Woznamjenjeny je pućik ze žabu a wobsteji z pódlankich pućow a kolesowarskich sćežkow.

Sakska měsčanska čara wjedźe na 120 km wot Hermsdorfa wuchodnje Drezdźan přez Kamjenc, Budyšin, Lubij do Zhorjelca.

Přijědźeće-li ze zapada, dojědźeće sebi přez Smochćicy a Ćemjercy do Budyšina. W Židowje wije so puć wosrjedź chěžow přez Sprjewju a dale po Sprjewinej hasy z wuhladami na Budyski hród a Mikławšk, Garbasku hasu do měšćanskeho srjedźišća. Přez Tašbark, měšćanski nasyp a Mužakowsku dróhu wopušćiće Budyšin do wuchoda.

Serbske impresije wjedu was přez Hućinu, Malešecy, Delnju Hórku, Radwor, Chasow, Njeswačidło, Koslow, Ralbicy, Worklecy do Pančic-Kukowa.

Woznamjenjeny je pućik ze serbskim lipowym łopješkom a wobsteji z pódlankich pućow a kolesowarskich sćežkow.

Krabatowy kolesowarski pućik je kołopuć z dołhosću 75 km. Dóńdźeće wot Jitka přez Trupin, Wulke Ždźary, Kulow, Brětnju, Čorny Chołmc, Ćisow, Wysoku, Běłu, Křidoł, Němske Pazlicy, Njebjelčicy, Wěteńcu, Pančicy-Kukow, Chrósćicy, Worklecy, Łask, Ralbicy zaso do Jitka.

Woznamjenjeny je pućik ze Krabatom a wobsteji z pódlankich pućow a lěsnych sćežkow.

W Hornjej Łužicy pozběhuja wo wšelakore hrodźišća. Wone su krajne pomniki a relikty prjedawšich hrodow abo wobhrodźenych sydlišćow.

Nad dołhom Klóšterskeje wody a na juhozapadnym kóncu pozběhnjenja, knježi 260 x 160 m wulke Wotrowske hrodźišćo. "Sakske Troja", kaž Pawoł Šołta 1918 nasyp mjenowaše, je bjez dwěla najimpozantniši krajny pomnik Hornjeje Łužicy.

Na kromje tuteje skazlizny ze šěrawca nadeńdźeš 60 m dołhe wobhrodźenje w formje serpa. Wobhrodźenje so něhdy z drjewa a hliny nasypa a je dźěnsa zdźěla zrunane. Tola posrědkuje zdźeržany dźěl dobry zaćišć prěnjotneje wobornosće Wotrowskeho hrodźišća.